Barcelona blindon supertalentin Hector Fort

18:13 | 28 Maj 2024
D.H

Klubi katalunas, Barcelona ka rinovuar kontratën e njërin prej talenteve më të mëdhenj në ekip, mbrojtësit anësor 17-vjeçar, Hector Fort.

Hector Fort ka zgjatur kontratën me klubin e tij të fëmijërisë, Barcelona, pasi mbërriti në vitin 2013 nga PB Anguera.

Pasi kaloi shpejt nëpër kategoritë e moshave në klubin katalunas, në sezonin 2023/24 ai bëri debutimin e tij për ekipin e parë më 13 dhjetor në një ndeshje të Champions League kundër Royal Antwerp në Belgjikë.

Që atëherë, ai ka luajtur nëntë ndeshje të tjera, shtatë në ligë dhe dy në Copa del Rey, ndërsa tani ka ardhur rinovimi i kontratës.

“FC Barcelona dhe lojtari Hector Fort kanë arritur një marrëveshje për zgjatjen e kontratës së tij, duke e lidhur atë me klubin deri më 30 qershor 2026”.

Ndryshe, mbrojtësi i Blaugranëve ka nënshkruar kontratë të re këtë të martë i shoqëruar nga presidenti i FC Barcelona, ​​Joan Laporta; nënkryetari i parë, Rafa Yuste; drejtori përgjegjës për futbollin e të rinjve, Joan Soler; dhe drejtori sportiv i klubit, Anderson Luís de Souza, Deco.

Shpërndaje në rrjete sociale

Lajmet më të lexuara

Të ngjashme

Foto lajm